उक्तः अभियानमा हिजोसम्ममा रु ५५ लाख सङ्कलन भएको विद्यालयले आज पत्रकार सम्मेलन गरी जानकारी दिएको छ ।

उक्त विद्यालयलाई नारायणगढका व्यवसायी बालगोपाल चुकेले रु ११ लाख ११ हजार प्रदान गरेको विद्यालयले जनाएको छ ।

हिजोसम्ममा १८६ जनाले सहयोग गरेको र उनीहरुबाट रु ५५ लाख रकम सङ्कलन भएको विद्यालय व्यवस्थापन समितिका अध्यक्ष ओमनाथ पाण्डेले जानकारी दिनुभयो ।

रु एक करोड सङ्कलन गरी विद्यार्थीलाई गुणस्तरीय प्राविधिक शिक्षा दिने लक्ष्य समितिले राखेको पाण्डेले बताउनुभयो ।
सोमेश्वर सार्वजनिक शैक्षिक गुठीद्वारा सञ्चालित सो विद्यालय माडी क्षेत्रकै नमुना रहेको र कक्षा २ देखि नै कम्प्युटर शिक्षा सञ्चालन गरिएको पाण्डेले बताउनुभयो ।

मङ्सिरदेखि ‘सहयोगी हात’ नामक अभियानमार्फत घरदैलो कार्यक्रम नै गरेर उक्त अभियान चलाएको हो ।

अहिले विद्यालयमा कक्षा ८ सम्म ४२५ जना अध्ययनरत छन् भने २० जना शिक्षक समितिबाट तलब दिएर अध्यापन गराउँदै आएको छ ।