इनेप्लिज
२०७१ फागुन २६ गते ४:३६ मा प्रकाशित
सुरुङ्गा (झापा), २६ फागुन । हिमशिखर पत्रकारिता पुरस्कारबाट पूर्वाञ्चल दैनिकका प्रधान सम्पादक मदन ढकाल पुरस्कृत हुनुभएको छ ।
चार वर्षदेखि झापाको दमकबाट प्रसारण हुँदै आएको हिमशिखर टेलिभिजनले स्थापना गरेको उक्त पुरस्कारबाट ढकाल पुरस्कृत हुनुभएको हो । यसै वर्ष स्थापना गरिएको पुरस्कारको राशि रु २१ हजार १०१ रहेको छ ।
त्रिचालीस वर्षदेखि पत्रकारितामा क्रियाशील प्रधान सम्पादक ढकाललाई उद्योगमन्त्री महेश बस्नेतले सोमबार आयोजित कार्यक्रममा सो पुरस्कार प्रदान गर्नुभएको थियो । नेपाल पत्रकार महासङ्घका पूर्वकेन्द्रीय सदस्यसमेत रहनुभएका ढकाल नेपाल पत्रकार महासङ्घको केन्द्रीय पार्षद् हुनुहुन्छ ।
प्रतिक्रिया