चितवनमा बाली बिमा सुरु
रत्ननगर (चितवन), २५ फागुन । चितवनमा पहिलो पटक किसानले बाली बिमा गर्न थालेका छन् ।
यो वर्षबाट किसानले विमान गर्न थालेको जिल्ला कृषि विकास कार्यालय चितवनले जानकारी दिएको छ । कार्यालयका बागबानी विकास अधिकृत धनबहादुर थापाले अहिलेसम्म जिल्लाका २५ जना किसानले बिमा गरेको जानकारी दिनुभयो ।
उनीहरु सबै केरा किसान रहेको र अन्यले पनि बिमाका लागि जानकारी लिने क्रम बढिरहेको उहाँले बताउनुभयो । सरकारले बिमामा भारी रकम छुट दिने व्यवस्था गरेपछि किसानले कृषि बिमा सुरु गरेका हुन् ।
स्थानिय केरा किसान यज्ञ सुवेदीले दुई बिघाहाको बिमा गर्ने प्रक्रियामा रहेको बताउनुभयो । अन्य केरा व्यवसायीले १० बिघाहासम्मको बिमा गरिसकेको सुवेदीको भनाई छ । अहिलेसम्म करिब रु दुई करोडको केराको बिमा भइसकेको बताइएको छ ।
चितवनमा ५०० केरा किसान छन् । मुख्यगरी अघिल्ला वर्षमा हावाहुरीका कारण करोडौँंको केरा क्षति भएपछि किसान बिमातर्फ आकर्षित भएका हुन् । सरकारले कृषि बिमा गर्न चाहने किसानका लागि अघिल्लो वर्ष कुल बिमाको ५ प्रतिशत प्रिमियम शुल्कमा ५० प्रतिशत अनुदानको व्यवस्था गरेको थियो ।
यो वर्ष बढाएर ७५ प्रतिशत पुर्याइएको र त्यसमा पनि समूह या सहकारीमार्फत बिमा गरिए प्रिमियम शुल्कमा १५ प्रतिशत कमिशनबापत छुटको व्यवस्था गरेको छ ।
यस वर्ष कृषिमा बजेट बढेको र अनुदानका कार्यक्रम पनि बढेकाले किसानलाई सचेत हुन कृषि कार्यालयले आग्रह गरेको छ । बिमाले क्षति न्यूनीकरणका लागि सहयोग पुग्ने विश्वास गरिएको छ ।
यस वर्ष चितवनको कृषि कार्यालयमा ७९ प्रतिशतले बजेट वृद्धि भएपछि कार्यालयले जिल्लाबाटै विभिन्न कार्यक्रम समेत सञ्चालन गर्ने तयारी गरिरहेको जनाएको छ ।
को हुन् नबराज के सी ?
ट्रम्पले व्हाइट हाउस छोड्ने बेलामा करिव १ सय भन्दा ज्यादालाई क्षमादान दिने सम्भावना
प्रथम महिला मेलानिया ट्रम्पले व्हाइट हाउस छोड्नेबेलामा दिईन बिदाइ सन्देश
न्यान्सी पेलोसीको कार्यालय अगाडी स्वयमको तस्बिर खिच्ने न्युयोर्कका एक बिधार्थी पक्राउ
ओरेगनको पोर्टल्याण्डमा १२ बर्षिय किशोरीले आफ्नो पितालाई छाती र पेटमा छुरा प्रहार
प्रतिक्रिया