दश÷बाह्र वटाको समूहमा आएको ती कुकुरले मनराको वडा नम्बर ५, ६, ७ र ८ का २० भन्दा बढी खसीबाख्रा तथा पाठापाठी मारेको स्थानीय रवीन्द्र भगतले बताउनुभयो ।

यसअघि कहिले पनि नदेखिएको लामालामा खुट्टा, ठूलो कान र तीन फिटभन्दा बढी उचाइ भएको ती कुकुरको समूह तीन÷चार दिनदेखि मनरामा देखा परेको र खेतबारीमा चरिचरनका लागि गएका सो सङ्ख्याका खसीबाख्रा तथा पाठापाठीलाई मारेको स्थानीय रामबाबु साहले बताउनुभयो ।

घर वरिपरि बाँधेको वा खेतबारीमा चरिचरणका लागि लगिएको खसीबाख्रा तथा पाठापाठीको छेउछाउमा कुनै मानिस नभएको देख्ने बित्तिकै कुकुरले आक्रमण गरी मार्ने गरेको स्थानीय राधेश्याम साहले बताउनुभयो ।

ती जङ्गली कुकुरको समूहले मनरामा खसीबाख्रा मारेर आतङ्क मच्चाएको छ भने बाटोघाटो हिँड्दै गरेका स–साना बालबालिकालाई पनि लखेट्ने गरेको स्थानीयले बताएका छन् ।

तीन÷चार दिनदेखि देखा परेका ती कुकुरलाई स्थानीयले समूह बनाएर धपाउने गरे पनि पुनः आउने गरेका कारण मनरावासीको टाउको दुखाइ बन्दै गएको उनीहरु बताउँछन् ।