इनेप्लिज
२०७१ फागुन १५ गते १३:५१ मा प्रकाशित
काठमाडौँ, १५ फागुन । एकीकृत नेकपा (माओवादी)का प्रवक्ता दिनानाथ शर्माले एकीकृत(माओवादी) नेतृत्वको ३० दलीय मोर्चाले भोलि राजधानीमा गर्ने शक्ति प्रदर्शन शान्तिपूर्ण र अनुसासित हुने बताउनुभएको छ ।
सम्वाद क्लब नेपालले आज आयोजना गरेको अन्तरक्रियामा उहाँले नेपाली काँग्रेस र नेकपा एमालेले बृहत शान्ति सम्झौता उल्लङ्घन गरेको आरोप लगाउँदै इमान्दार भएर पहिचानसहितको सङ्घीयता र सङ्घीयतासहितको संविधान निर्माण गर्ने इच्छा शक्ति देखाएमा वार्ता हुने उल्लेख गर्नु भयो ।
कार्यक्रममा सद्भावना पार्टीका सहअध्यक्ष लक्ष्मणलाल कर्णले काँग्रेस र एमालेले अन्तरिम संविधान र संसदको कानुन नमानी एकतर्फीरुपमा अगाडि बढेकाले वार्ताको वातावरण विथोेिलएको धारणा राख्नु भयो ।
राजनीतिक विश्लेषक सोनाम छिरिङ शेर्पाले जनताले सबैको पहिचान हुने गरी शासन व्यवस्थामा सुधार गर्नुपर्ने आवाज उठाएको बताउनुभयो ।
प्रतिक्रिया