आफ्नै घरमा आगो लगाउने युवक पक्राउ
इनेप्लिज
२०७१ फागुन १३ गते १४:१३ मा प्रकाशित
दमौली, १३ फागुन । तनहूँको मनपाङ– ८ मा मङ्गलबार राति मदिरा सेवन गरी आफ्नै घरमा आगो लगाउने २६ वर्षीय सुवास नेपालीलाई प्रहरीले आज पक्राउ गरेको छ ।
आफ्नै घरमा आगो लगाउने ती युवकलाई पक्राउ गरिएको जिल्ला प्रहरी कार्यालय तनहुँले जनाएको छ । प्रहरीका अनुसार मदिरा सेवन गरी आएका नेपालीले श्रीमतीलाई कुटपिट गरी उनी माइत हिँडेपछि रिस खप्न नसकी बाँसले बारेको आफ्नै एकतले घरमा आगो लगाएका थिए ।
आगो लगाएर फरार भएका नेपालीलाई आजै नजिकैको गाउँबाट प्रहरीले पक्राउ गरेको हो ।
प्रतिक्रिया