उद्धार गरिएकामध्ये एकको उमेर २७ र अर्कीको २० वर्ष रहेको जिल्ला प्रहरी कार्यालयले जनाएको छ । उनीहरु दुवै मोरङकै रहेको बताइएको छ ।

भारत विहार राज्यको पूर्णियाको रेल–वे स्टेसनमा आठ महिनाअघि अलपत्र अवस्थामा रहेकी ती दुई महिलालाई भारतीय प्रहरीले उद्धार गरी स्थानीय महिला हेल्पलाइन नामक संस्थाको जिम्मा लगाएको थियो ।

सो संस्थाले जिल्ला प्रहरी कार्यालय मोरङको इमेलमा जानकारी पठाएपछि एबीसी नेपाल, प्रहरी र अभिभावक गरी तीन जनाको टोलीले उद्धार गरी ल्याएको प्रहरी नायब उपरीक्षक प्रभुप्रसाद ढकालले जानकारी दिनुभयो ।

दुवै महिला बोल्न नसक्ने अवस्थामा रहेको र उनीहरुको अवस्था सामान्य भएपछि यस विषयमा थप अनुसन्धान गरिने प्रहरी नायब उपरीक्षक ढकालले बताउनुभयो ।