सोमबार, कार्तिक १० २०७७
काठमाडौं ०३:४०
वासिङटन डिसी 17:55

दुष्कर्ममा संलग्न व्यक्ति प्रहरी फन्दामा

इनेप्लिज २०७१ फागुन ६ गते १३:४९ मा प्रकाशित

Gang-Rapeपुनर्वास (कञ्चनपुर), ६ फागुन । कञ्चनपुर जिल्लाको सीमावर्ती पुनर्वास नगरपालिका–५ स्थित विवाह हेर्न गएकी युवतीलाई सामूहिक बलात्कारमा संलग्न फरार अभियुक्तलाई प्रहरीले आज पक्राउ गरेको छ ।

पुनर्वास नगरपालिका–५ स्थित उदरी गाउँमा जन्ती भएर बिहेमा आई २१ वर्षीया युवतीलाई उखुबारीमा लगी छजनाले सामूहिक बलात्कार गरेका थिए । सो घटनामा संलग्न मध्येका बाइसीबिचवा गाविस–५ बस्ने गोबिन्द रानालाई प्रहरीले पक्राउ गरेको हो ।

बाँकी अन्य अभियुक्तको छानबिन र खोजीकार्य भइरहेको इलाका प्रहरी कार्यालय त्रिभुवनबस्तीका प्रहरी निरीक्षक नरबहादुर खड्काले बताउनुभयो । पीडित युवतीको अहिलेसम्म सेती अञ्चल अस्पतालमा उपचार भइरहेको छ । अहिले उनको स्वास्थ्यमा क्रमिक सुधार आएको उपचारमा संलग्न चिकित्सकले बताएका छन् ।

प्रतिक्रिया