इनेप्लिज
२०७१ फागुन ६ गते ४:०७ मा प्रकाशित
कञ्चनपुर, ६ फागुन । कञ्चनपुरको महेन्द्रनगरमा रहेको कवर्डहलको पाँच बिघा जग्गामा लगाइएको उखु बालीमा मङ्गलबार आगलागी हुँदा लाखौँको नोक्सानी भएको छ ।
काट्नका लागि तयारी अवस्थामा रहेको उखुमा आगलागी हुँदा झन्डै रु सात लाखको नोक्सानी भएको छ । शिवरात्रिको मेला भर्न आएका यात्रुले चुरोटको ठुटो उखु बारीमा फाल्दा आगलागी भएको हुनसक्ने अनुमान प्रहरीको छ ।
भीमदत्तनगरपालिकाको दमकलको सहायताले उखु बारीमा लागेको आगो तीन घन्टापछि नियन्त्रणमा आएको थियो । कवर्डहलको जग्गा दोधारा चाँदनी नगरपालिका–३ का धीरप्रसाद सिंहले ठेक्कामा लिई उखुखेती गर्दै आएका थिए ।
प्रतिक्रिया