दरबन्दीका शिक्षक र कक्षा कोठा भवन अभाव हुँदा उक्त विद्यालयको कक्षा १ र २ का विद्यार्थीलाई एउटै कोठामा राखेर पढाउने गरिएको हो । दुई वटा कक्षाका विद्यार्थीलाई दुईतिर फर्काएर बसाइँ व्यवस्थापन गरिएकोे छ । विसं २०६५ मा स्थापना भएको उक्त विद्यालयमा हाल तीन शिक्षकशिक्षिका कार्यरत छन् ।

भवन अभावका कारण पठनपाठन सञ्चालन गर्न कठिनाइ भएको प्रअ निकेश प्रअ खड्काले बताउनुभयो ।

शिक्षकको तलब भत्ताका लागि मासिक रु १५ हजार आवश्यक पर्छ । गाउँलेले चन्दा, भैलो र मेला सञ्चालन गरेर शिक्षकलाई तलब खुवाउन नगद जुटाउने गरेको विद्यालय व्यवस्थापन समितिका अध्यक्ष दलबहादुर फगामीले बताउनुभयो ।

विद्यालय सञ्चालनका लागि सेवा क्षेत्रमा प्रतिघर मासिक रु १०० का दरले चन्दा सङ्कलन गर्ने विद्यालयले योजना बनाएको छ । हाल चार कोठे भवन भएको उक्त विद्यालयमा थप कक्षा कोठाको व्यवस्था गरिदिन जिल्ला शिक्षा कार्यालय, जिविसलगायत निकायसँग माग गरिएको छ । सो विद्यालयमा हाल ४५ बालबालिका अध्ययनरत छन् ।