शनिबार, साउन ४ २०७६
काठमाडौं ०४:३६
वासिङटन डिसी 18:51

वसन्त चौधरीका तीनवटा गीति एल्बम सार्वजनिक

इनेप्लिज २०७१ फागुन २ गते १३:५२ मा प्रकाशित

Basanta-Chaudhary

काठमाडौँ, २ फागुन । कवि एवम् गीतकार वसन्त चौधरीद्वारा रचित तीनवटा गीति एल्बमको आज विमोचन गरिएको छ ।

प्रणय दिवसको अवसरमा यहाँ आयोजित कविता वाचन कार्यक्रममा नेपाल प्रज्ञा–प्रतिष्ठानका कुलपति गङ्गा उप्रेती, नेपाल ललितकला प्रज्ञा–प्रतिष्ठानका कुलपति रागिनी उपाध्याय र नेपाल नाट्य प्रज्ञा–प्रतिष्ठानका कुलपति सरुभक्त श्रेष्ठले संयुक्तरुपमा विमोचन गर्नुभयो ।

वसन्त बेला (नेपाली आधुनिक), मोमेन्ट अफ लभ (नेपाली आधुनिक) र कुछ ख्वाहिसे कुछ बँहिसे (हिन्दी) गीतको विमोचन गरिएको हो ।

वसन्त बेलामा आठ, मोमेन्ट अफ लभ १० र कुछ ख्वाहिसे कुछ बँहिसेमा आठ वटा माया, मिलन र बिछोडसम्बन्धी गीत समावेश गरिएको छ ।

सोही अवसरमा कवि चौधरीले नयाँ र पुराना गरी करिव तीन दर्जन गीत, कविता र गजल वाचन गर्नुभएको थियो ।

कवि तथा गीतकार चौधरीका संवाद (पुस्तक), मेरा कविताहरु (कविता सङ्ग्रह), राष्ट्रियता नदुखोस् (पुस्तक), आँसु ओँ सियाही से (हिन्दी भाषाको कविता सङ्ग्रह), माया बल्झेछ (गीति सङ्ग्रह) तिम्रो नाममा (आत्मशान्तिका गीतहरु) र वनली लभ (गीति सङ्ग्रह) बजारमा आइसकेका छन् ।

प्रतिक्रिया