वीरगन्जस्थित भारतीय महावाणिज्य दूतावासद्वारा आज यहा“ आयोजित पत्रकार सम्मेलनमा सो जानकारी गराइएको हो ।

यही फागुन ७ र ८ गते हुने भनिएको उक्त सम्मेलनमा सिमानासम्बन्धी सुमधुर सम्बन्ध, सुरक्षा र जनमानसको आवागमन, खुल्ला सीमा व्यापार, पर्यटन र अवरोध तथा समाधान विषयमा केन्द्रित हुने भारतीय महावाणिज्य दूतावासका वाणिज्यदूत राजेश कुमारले बताउनुभयो ।

भारतीय महावाणिज्य दूतावासद्वारा आयोजना हुने उक्त समिटमा नेपालका तर्फबाट गृह सचिव सूर्यप्रसाद सिलवाल र भारतका तर्फबाट भारतीय गृह मन्त्रालयका सचिव (सीमा व्यवस्थापन) स्नेहलता कुमारले गर्नेछ ।

उपप्रधानमन्त्री एवम् गृहमन्त्री वामदेव गौतमको प्रमुख आतिथ्यमा सुरु हुने उक्त सम्मेलनमा नेपालका लागि भारतीय राजदूत रञ्जित रेलगायत दुवै देशका बुद्धिजीवी र सीमावर्ती क्षेत्रका उच्चपदस्थ सरकारी अधिकारीहरुको सहभागिता हुने जानकारी पत्रकार सम्मेलनमा दिइयो ।

सो अवसरमा नेपालका लागि भारतीय महावाणिज्यदूत अञ्जु रञ्जनले नेपाल र भारतबीच शताब्दीऔँदेखिको ऐतिहासिक सम्बन्धलाई अझ बढी प्रगाढ र सशक्त बनाउन यस्ता सम्मेलनले महत्वपूर्ण भूमिका निर्वाह गर्ने बताउ“दै दुवै देशबीचको अतुलनीय र विशिष्ट खालको यो सम्बन्धमा कहिलेकाहीँ खुल्ला सीमा सुरक्षा र भन्सार तथा गैरभन्सारसँग सम्बन्धित समस्याले बाधा पु¥याइरहेकाले यस्ता बाधाहरुको मैत्रीपूर्ण समाधान खोज्न सम्मेलन गर्न लागिएको बताउनुभयो ।