घाइतेमध्ये तीनजनाको अवस्था गम्भीर रहेको इलाका प्रहरी कार्यालय ठाडाले जनाएको छ ।

गुल्मीको पुर्कोटदहबाट सन्धिखर्क हँुदै बुटबल जाँदै गरेको लु १ ज १५९१ नम्बरको जीप ठाडा गाविस–३ कोप्चीबासमा ब्रेक फेल भएर दुर्घटना भएको प्रहरीको भनाइ छ ।

दुर्घटनामा घाइते भएका सबै १३ जनाको लुम्बिनी अञ्चल अस्पताल बुटबलमा उपचार भइरहेको छ । जीप सडकबाट करिब एक सय मिटर तल खसेको छ ।

दुर्घटनामा गुल्मी रेसुंगा नगरपालिका–४ का विष्णु केसी, अर्घाखाँची किमडााडकी पार्वती विक र ढाकाबाँगकी रिदीदेवी गाहा मगर गम्भीर घाइते भएका छन् ।