कोष र नेपाल आदीबासी जनजाति पत्रकार महासङ्घ (फोनिज) रुपन्देहीले आज बुटवलमा पत्रकार सम्मेलन गरी राज्यलाई सहिदहरूप्रति सम्मान व्यक्त गर्न आग्रह गरेको छ ।

जहानीया राणा शासनविरुद्ध सबैभन्दा पहिले चेतनामूलक जनविद्रोहको सुत्रपात गरेको र राणा शासनविरुद्धको आन्दोलनकै क्रममा विक्रम सम्वत १९३३ फागुन २ गते लखनलाई फासी दिई हत्या गरेकाले पहिलो सहिद घोषणा गर्दै फागुन २ गतेलाई राष्ट्रिय बिदा घोषणा गर्न पनि माग गरिएको छ ।

त्यस्तै उनकै आन्दोलनमा साथ दिएर सहादत्त प्राप्त गर्ने जयसिंह चुमि मगर, सुकदेव गुरुङ, सुपति गुरुङलाई पनि सहिद घोषणा गर्न माग गरिएको छ ।

यही फागुन २ गते १ सय ३८ औँ लखन दिवस पनि यिनै मागसहित मनाउन लागिएको पत्रकार सम्मेलनमा जानकारी दिइएको छ । बुटवलको राजमार्ग चौराहामा लखन थापाको प्रतिमा स्थापना गरिएको छ भने सो चोकलाई लखन चोक नामाकरण गरिएको छ ।