शनिबार, कार्तिक ८ २०७७
काठमाडौं १७:१८
वासिङटन डिसी 07:33

बेरोजगार युवाका लागि रु ८२ लाख लगानी गरिने

इनेप्लिज २०७१ माघ २९ गते ११:४५ मा प्रकाशित

Salyan_district_locationसल्यान, २९ माघ । जिल्ला कृषि विकास कार्यालय सल्यानले बेरोजगार युवालाई कृषि पेसामा लगाउन लगानी गर्ने भएको छ ।

कार्यालयले व्यावसायिक कृषि कार्यक्रमअन्तर्गत यस आर्थिक वर्षमा रु ८२ लाख लगानी गर्ने भएको हो । कार्यालयले बेमौसमी तरकारीखेतीमा रु २४ लाख, मौरीपालनमा रु ३६ लाख, साना सिँचाइमा रु ३० लाख लगानी गर्न लागेको जनाएको छ । यस्तै सहकारीमा आधारित खेतीमा रु तीन लाख, साना सिँचाइ तथा मूल बीउमा रु दुई लाख १० हजार, सहकारी योजना सञ्चालन गर्न रु चार लाख २० हजार, युवा स्वरोजगारमा रु चार लाख ८० हजार विनियोजन गर्ने वरिष्ठ कृषि विकास अधिकृत टेकप्रसाद लुइँटेलले बताउनुभयो ।

बेमौसमी तरकारीखेतीमा ६० जना युवालाई बढीमा रु ४० हजारका दरले, व्यासायिक च्याउखेतीमा २० जनालाई रु ४० हजार, मौरीपालनमा २० जनालाई रु एक लाख ८० हजार, साना सिँचाइ २० योजनामा बढीमा रु एक लाख ५० हजारका दरले खर्च गर्न सकिने उहाँले बताउनुभयो । सहकारीखेतीमा एकजनालाई रु तीन लाख, साना सिँचाइ तथा मूल बीउ ढुवानीतर्फ रु ३० हजार, योजना सञ्चालनका लागि प्रति सहकारीलाई रु चार लाख २० हजार र युवा स्वरोजगारमा आठजनालाई रु ६० हजारका दरले अनुदान उपलब्ध गराइने छ ।

व्यावसायिक तरकारीखेतीका लागि किसानलाई रु एक हजार ५०० प्लास्टिक घर निर्माण गर्न समेत सहयोग गर्ने वरिष्ठ कृषि विकास अधिकृत लुइँटेलले बताउनुभयो । शारदा खोलाको सीमा क्षेत्र शिवरथदेखि त्रिवेणीसम्मका तरकारीखेती गर्ने जग्गामा प्लास्टिक घर निर्माण गर्न थालिएको छ ।

प्रतिक्रिया