अल नेपाल होमियोपैथिक एसोसिएसन पूर्वाञ्चल क्षेत्रीय समिति दमकले बुधबार विराटनगरमा आयोजना गरेको पत्रकार सम्मेलनमा चिकित्सकले सो गुनासो गरेका हुन् ।

आयोजक संस्थाका महासचिव चिकित्सक विष्णुप्रसाद मिश्रले आफूहरुले २०४७ सालदेखि होमियोपैथिक काउन्सिल र नीति निर्माणको माग गर्दै आए पनि कुनै पनि सरकारले यस विषयमा चासो नलिएको आरोप लगाउनुभयो ।

उहाँले आवश्यक पर्ने सम्पूर्ण प्रक्रिया पूरा गरेर सम्बन्धित मन्त्रालयमा कागजात पेस गरे पनि सुनुवाइ नभएको बताउनुभयो ।
एसोेसिएसनका पूर्वाञ्चल अध्यक्ष चिकित्सक लेखनाथ न्यौपानेले होमियोपैथिकले सस्तोमा गुणस्तरीय उपचारसेवा दिनसक्ने कुरा प्रमाणित भइसके पनि सरकारले चासो नदिँदा देशभरिका २०० भन्दा बढी चिकित्सक समस्यामा परेको उल्लेख गर्नुभयो ।