विवाहबाट फर्केको ट्याक्टर दुर्घटना हुँदा एकको मृत्यु, ३८ घाइते
लम्की (कैलाली), २८ माघ । कैलालीको सुदूरपूर्वी टीकापुरमा विवाहको भोज खाएर फर्किदै गरेका यात्रुहरु चढेको ट्याक्टर दुर्घटना हुँदा एक बालकको मृत्यु भएको छ ।
दुर्घटनामा अन्य ३८ जना घाइते भएका छन् । घाइतेमध्ये तीन जनाको अवस्था गम्भीर रहेको बताइएको छ ।
दुर्घटनामा परी जोशीपुर गाविस–४ झविहीका डेढ वर्षीय बालक चन्द्रदेव चौधरीको मृत्यु भएको हो । गम्भीर घाइतेमध्ये तीन जनालाई उपचारका लागि नेपालगन्ज पठाइएको र अन्य घाइतेको टीकापुर अस्पतालमा उपचार भइरहेको इलाका प्रहरी कार्यालय टीकापुरका प्रहरी नायब निरीक्षक निरक रावलले जानकारी दिनुभयो ।
प्रहरीका अनुसार टीकापुर नगरपालिका–८ बन्दीपुरमा विवाहको भोज खाएर फर्किदै गर्दा मुनुवा गाविस १ र २ का बासिन्दा सवार से१त ६५५० नम्बरको ट्र्याक्टर टीकापुर खक्रौला सडक खण्डअन्र्तगत लम्कीपुल नजिकै दुर्घटनामा परेको थियो ।
ट्र्याक्टरबाट ट्रली छुट्टिँदा दुर्घटना भएको बताइएको छ । घाइतेहरुकोे टाउको, हात, खुट्टा र अनुहारमा चोट लागेको छ ।
प्रतिक्रिया