रफत सञ्चार क्लब भक्तपुरले आज यहाँ आयोजना गरेको साक्षात्कार कार्यक्रममा उहाँले दुवै प्रक्रिया नछाडी सँगसँगै लैजानुपर्ने बताउँदै भन्नुभयो –“प्रक्रियालाई अगाडि बढाउँदै सहमति प्रयास जारी राख्नुपर्छ, प्रक्रिया छाडेर सहमतिको प्रयास गरे फेरि संविधान निर्माण अड्किन्छ ।”

एमाओवादीलगायत ३० दलीय मोर्चाले आन्दोलनका कार्यक्रम छाडेर वार्ता र सहमतिमा आएर संविधान निर्माणमा जुट्नुपर्ने उहाँको भनाइ थियो । विवादित रहेको पाँच जिल्लाको समस्यालाई तत्काल थाती राखेर भए पनि संविधान निर्माण हुनुपर्ने नेता राणाले आँैल्याउनुभयो ।

अध्यक्ष राणाले सहमतिका लागि प्रधानमन्त्रीले पठाएको पत्रका आधारमा एमाओवादी र मधेसकेन्द्रित दल वार्तामा आउनुपर्ने आग्रह गर्नुभयो । राप्रपाले पहिले नै धर्मनिरपक्षेताका बारेमा सरकार र सभामुखको ध्यानाकर्षण गराइसकेको बताउँदै अध्यक्ष राणाले नेपाल हिन्दू गणतान्त्रिक देश हुनुपर्नेमा जोड दिनुभयो ।