बिहीबार, वैशाख ९ २०७८
काठमाडौं ०२:०९
वासिङटन डिसी 16:24

भारतबाट ठूलो परिमाणमा माछा आयात

इनेप्लिज २०७१ माघ २६ गते ११:०४ मा प्रकाशित

fishविराटनगर, २६ माघ । विराटनगर नाकाबाट चालु आर्थिक वर्षको ६ महिनामा ठूलो परिमाणमा माछालगायतका पशु आयात भएको छ ।

उक्त नाकाबाट माछा सबैभन्दा बढी करिब एक हजार १९४ मेट्रिक टन आयात भएको पशु क्वारेन्टाइन कार्यालय, विराटनगरले जनाएको छ ।

त्यसैगरी, १८ दशमलव २३२ मेट्रिक टन सिद्रा माछा, मिनरल मिक्चर १५ दशमलव ८१ मेट्रिक टन र सजाएर राख्ने एक्युरियम माछा १९९ किलो आयात भएको हो । तीन लाख ४० हजारको सङ्ख्यामा माछाका भूरा पनि आयात भएको सो कार्यालयले जनाएको छ ।

सोहीअनुरुप, खसीबोका पनि ठूलो परिमाणमा आयात भएको छ । उक्त नाकाबाट ६ महिनाको अवधिमा खसीबोका ११ हजार १०८ वटा, गाईगोरु चारवटा, भैँंसीसहित पाडापाडी ६५७ वटा र सुगुर, बङ्गुर २५७ वटा, खच्चर नौवटा र बङ्गुरको मासु चार दशमलव ५९ मेट्रिक टन आयात भएको सो कार्यालयले जनाएको छ ।

प्रतिक्रिया