शनिबार, कार्तिक ८ २०७७
काठमाडौं १७:२४
वासिङटन डिसी 07:39

माघ ८ मा संविधान नआउनु दुःखद्: राप्रपा अध्यक्ष राणा

इनेप्लिज २०७१ माघ २४ गते १६:२० मा प्रकाशित

P-S-Rकाठमाडौँ, २४ माघ । राष्ट्रिय प्रजातन्त्र पार्टीका अध्यक्ष पशुपति शमशेर राणाले माघ ८ मा संविधान नआउनु देश र जनताका लागि दुःखद भएको बताउनुभएको छ ।

राप्रपा धादिङ–काठमाडौँ सम्पर्क मञ्चले आयोजना गरेको २५५१ औँ सोनाम ल्होसारको उपलक्ष्यमा आयोजित शुभकामना आदानप्रदान कार्यक्रममा उहाँले सङ्घीयतामा विवादित रहेका पाँच जिल्लाको विवाद थाती राखेर भएपनि देशलाई निकास दिनुपर्ने बताउनुभयो ।

उहाँले संविधान निर्माणमा प्रक्रिया अघि बढिसकेको भन्दै विपक्षीलाई आन्दोलनमा जानुभन्दा सहमतिमा आउन आग्रह गर्नुभयो ।

पार्टीका महामन्त्री बुद्धिमान तामाङले बहुभाषी, बहुधार्मिक, बहुसांस्कृतिक देश नेपाल भएकाले अब बन्ने संविधानमा आदिवासी र जनजातिका हक अधिकारलाई प्राथमिकता दिनुपर्ने बताउनुभयो ।

कार्यक्रममा सहायक महामन्त्री मोहन पाठक, विन्दु पहाडी, सभासद् पर्शुराम तामाङलगायतले सोनाम ल्होसारको शुभकामना व्यक्त गर्नुभएको थियो । रासस

प्रतिक्रिया