इनेप्लिज
२०७१ माघ २३ गते १६:१९ मा प्रकाशित
कैलाली (लम्की), २३ माघ । गएराति विद्युत्को चुहावट भई घरमा आगलागी हुँदा कैलालीको दोदोधरा–७ कट्टिपुरको एक घरमा करिब रु ५० हजार बराबरको क्षति भएको छ ।
स्थानीय गोविन्दप्रसाद तिवारीको दुईतले पक्की घरको माथिल्लो तलाको एक कोठामा बिजुली चुहावट भई आगलागी भएको हो । आगलागीबाट कोठाको सम्पूर्ण लत्ताकपडा र सरसामानलगायत अन्य सामान जलेर नष्ट भएको प्रहरीले जनाएको छ ।
आगलागीपछि स्थानीयवासीले चाँडै आगो नियन्त्रणमा लिँदा आगलागीबाट मानवीय क्षति भने नभएको प्रहरी चौकी बौनियाले जानकारी दिएको छ ।
प्रतिक्रिया