धार्मिक कामको सिलसिलामा आज धुलिखेल आइपुग्नुभएकी यादवले जिल्ला शिक्षा कार्यालय काभ्रेपलाञ्चोकको धुलिखेलमा आयोजना गरेको पत्रकार भेटघाटमा संस्थाको उद्देश्यअनुरुप काम पूरा हुँदैन भने उचित कारबाही अघि बढाइने छ भन्नुभयो ।

विद्यालयमा शिक्षकहरुको दरबन्दी मिलान गर्न राष्ट्रिय अभियान नै सञ्चालन गर्नुपर्नेमा जोड दिँदै मन्त्री यादवले कतिपय जिल्लाका विद्यालयमा विद्यार्थीको अनुपातमा न्यून दरबन्दी भएको बताउनुभयो ।

उहाँले छुट्टिएर रहेका विद्यालयहरुलाई एकीकृत गरेर गुणस्तरीय शिक्षा प्रदान गर्न सकिने उल्लेख गर्दै स्रोतहरु समेत एकीकृत गर्दा गुणस्तरीय शिक्षा दिन सहज हुन्छ भन्नुभयो ।

काभ्रेपलाञ्चोकका जिल्ला शिक्षा अधिकारी डा दीपेन्द्र गुरुङले बालबालिकालाई गुणस्तरीय शिक्षा प्रदान गर्न आपूm प्रतिबद्ध भएको उल्लेख गर्दै विद्यालयमा विधिको शासन स्थापना गरिने बताउनुभयो ।

मन्त्री यादवले त्यसअघि धुलिखेलमा रहेको सञ्जीवनी उच्च मावि र जनता माविको समेत निरीक्षण गर्नुभएको थियो ।