शनिबार, कार्तिक ८ २०७७
काठमाडौं १२:५०
वासिङटन डिसी 03:05

दुई राजदूतको नाम अनुमोदन

इनेप्लिज २०७१ माघ २१ गते १०:०१ मा प्रकाशित

काठमाडौँ, २१ माघ । व्यवस्थापिका–संसदको संसदीय विशेष समितिले संयुक्त राज्य अमेरिका र गणतन्त्र भारतका लागि प्रस्तावित दुई राजदूतहरुको नाम अनुमोदन गरेको छ ।

समितिको आज बसेको बैठकले अमेरिकाका लागि प्रस्तावित डा अर्जुनकुमार कार्की र भारतका लागि प्रस्तावित दीपकुमार उपाध्यायको नाम सुनुवाइपछि अनुमोदन गरेको हो ।

लामो समयदेखि ती दुई मुलुकमा रिक्त राजदूतमा सरकारले माघ २ गतेको मन्त्रिपरिषद्को निर्णयबाट कार्की र उपाध्ययालाई प्रस्ताव गरेको थियो ।

समितिको आजको बैठकमा सांसदहरुले दुवैलाई राष्ट्रको स्वाभिमान, राष्ट्रियता, सार्वभौमसत्ता र अखण्डतालाई ध्यानमा राखी कूटनीतिक मर्यादामा रही भूमिका निर्वाह गर्न सुझाव दिनुभएको थियो ।

प्रस्तावित दुवै राजदूतमध्ये कार्कीका सम्बन्धमा संसदीय समितिमा तीन उजुरी परेका थिए भने उपाध्यायको सम्बन्धमा कुनै उजरी परेको थिएन ।

सुनवाइका क्रममा दुवैले आफ्नो बुद्धि र विवेकले भ्याएसम्म मुलुकको हितमा काम गर्ने बाचा गर्दै कूटनीतिक मर्यादामा रहेर काम गर्न कुनै कसर बाँकी नराख्ने प्रतिवद्धता गर्नुभएको थियो ।

उहाँहरुले सम्बन्धित मुलुकसँगको सद्भाव बनाउने सम्बन्धमा समिति, सरकार र राजनीतिक दलहरुको सहयोगको अपेक्षा पनि गर्नुभएको थियो ।

लामो समयदेखि रिक्त यी दुई मुलुकमा राजदूतको नियुक्तिले ती मुलुकहरुको कूटनीतिक सम्बन्धमा सहजता हुने अपेक्षा गरिएको छ ।

प्रतिक्रिया