मंगलबार, कार्तिक ११ २०७७
काठमाडौं १४:१४
वासिङटन डिसी 04:29

भारतको वनबासाबाट दुई युवतीको उद्धार

इनेप्लिज २०७१ माघ २० गते ८:४९ मा प्रकाशित

sexual-harresmentधनगढी, २० माघ । मानव बेचविखनविरुद्ध कार्यरत शान्ति पुनःस्थापना गृह कैलालीले भारतको बनवासाबाट दुई युवतीको सोमबार उद्धार गरेको छ ।

बागलुङ सजपुत गाविस घर भएकी १८ वर्षीया विमला (नाम परिवर्तन) लाई भारत रामनगर घर भएका अफिसर अलिले नोकरी लगाइदिने प्रलोभनमा पारी भारतमा बेच्न लैजाँदै गर्दा भारतीय प्रहरी र स्थानीय रिड्स नामक संस्थाको सहयोगमा उद्धार गरिएको पुनःस्थापना गृहका कार्यक्रम संयोजक वासुदेब भट्टराईले बताउनुभयो ।

नेपालमा बसेर कुखुराको व्यापार गर्दै आएका अलिले ती युवतीलाई भारतमा राम्रो नोकरी लगाइदिने प्रलोभनमा बेच्न लैजाँदै गरेको पाइएको भट्टराईले बताउनुभयो ।

महेन्द्रनगरको बाटो हुँदै वनबासा पुग्नलाग्दा सीमा क्षेत्रमा भारतीय प्रहरीले सोधपुछ गर्ने क्रममा अलि भने फरार भएको जनाइएको छ ।

यसैगरी, कञ्चनपुर जिल्ला झलारी गाविसकी २३ वर्षीया सीता ९नाम परिवर्तन० लाई पनि वनबासाबाटै उद्धार गरिएको छ । उनलाई भने जोखिमपूर्ण अवस्थामा भारत जाँदै गरेको अवस्थामा उद्धार गरिएको हो ।

पछिल्लो छ महिनायता शान्ति पुनःस्थापना गृहले सीमा नाका तथा भारतका विभिन्न सहरबाटसमेत गरी १७ महिला तथा युवतीको उद्धार गरेको छ ।

प्रतिक्रिया