माओवादीको पूर्ण केन्द्रीय समितिको बैठक आइतबार

काठमाडौँ, १७ माघ । पूर्वनिर्धारित माघ ८ गते संविधान नबनेपछिको अवस्थामा पार्टीको आगामी रणनीति तय गर्न नेकपा–माओवादीको पूर्ण केन्द्रीय समितिको बैठक आइतबार बस्ने भएको छ ।

माओवादीले आजका लागि बैठक बोलाए पनि आज अनौपचारिक छलफल मात्रै गरी भोलिका बैठक बस्ने गरी स्थगित गरिएको केन्द्रीय सदस्य महेश्वर दाहालले जानकारी दिनुभयो ।

बैठकमा पार्टीको आगामी कार्यनीति, केन्द्रीय समिति विस्तार, क्रान्तिकारी पार्टीबीच एकतालगायत विषय कार्यसूचीको रुपमा राखिएको छ ।

पार्टी विभाजन भई सचिव नेत्रविक्रम चन्द पक्षले छुट्टै पार्टी गठन गरेपछि रिक्त रहेको केन्द्रीय समितिलगायत पदमा बैठकले पूर्णता दिने तयारी गरिएको छ ।