शनिबार, मंसिर १३ २०७७
काठमाडौं १३:३७
वासिङटन डिसी 02:52

पुँजी परिचालन गरे गाउँमा वित्तीय संस्था आउँछः गभर्नर

इनेप्लिज २०७१ माघ १६ गते १६:०० मा प्रकाशित

yubraj-khatiwadaगजुरी (धादिङ), १६ माघ । गाउँमा रहेको साना पुँजीलाई परिचालन गर्ने बानीको विकास गर्ने हो भने गाउँमा बैंक तथा वित्तीय संस्था आउने नेपाल राष्ट्र बैंकका गभर्नर डा युवराज खतिवडाले बताउनुभएको छ ।

धादिङको कटुन्जे बजारमा आज आयोजित पाविल साना किसान  कृषि सहकारी संस्था कटुन्जे र साना किसान कृषि सहकारी संस्थाको व्यवस्थापन हस्तान्तरण समारोहमा उहाँले सो कुरा बताउनुभएको हो ।

गाउँमा छरिएका साना पुँजी सङ्कलन गरी साना किसानमार्फत उद्यमबाट आम्दानी गर्न स्थानीयलाई आग्रह गर्दै डा खतिवडाले साना लगानीबाट नै ठूला लगानी भित्र्याउन सकिने उल्लेख गर्नु भयो ।

साना किसान कृषि सहकारी सङ्घ लि धादिङबाट अनुसरित पाविल र सेमजोङ साना किसान कृषि सहकारीले आजबाट आफैँले वित्तीय कारोबार गर्ने छन् ।

पाविल साना किसान कृषि सहकारी ८० समूहका ५०५ जना सेयर सदस्यबाट रु १७ लाख ३८ हजार बचत सङ्कलन भएको छ ।

यसैगरी सेमजोङ साना किसान कृषि सहकारीको ६८ समूहका ३८६ सेयर सदस्यबाट रु ११ लाख ५१ हजार बचत सङ्कलन भएको छ ।

साना किसान कृषि सहकारी धादिङका अध्यक्ष शिव भण्डारीको अध्यक्षतामा सम्पन्न कार्यक्रममा सभासदद्वय धनबहादुर घले र पर्शुराम तामाङले शुभकामना व्यक्त गर्नुभयो ।

प्रतिक्रिया