विराटनगर, १५ माघ ।  राष्ट्रिय प्रजातन्त्र पार्टीका नेता लोकेन्द्रबहादुर चन्दले आगामी संविधान सहमतिको दस्तावेज बनाउनुपर्ने बताउनुभएको छ ।

विराटनगरमा आज सञ्चारकर्मीसँग कुरा गर्दै नेता चन्दले वार्ता, सहमति एवम् प्रक्रियासँगसँगै लगी दिगो संविधान निर्माण गर्नुपर्नेमा जोड दिनुभयो ।

उहाँले प्रमुख राजनीतिक दलबीच सहमति नभएका विषय थाती राखेर भएपनि वार्ता र सम्वाद थाल्न आग्रह गर्नुभयो ।

उहाँले अहिले राजनीतिक दलबीच देखिएको गतिरोध अन्त्य गरी वार्ता र सहमतिबाटै निकास निकाल्नुपर्नेमा जोड दिनुभयो ।

नेता चन्दले सङ्घीयताको विषयमा संविधानसभाको समयावधिसम्म सहमति कायम गर्न सकिने धारणा व्यक्त गर्दै राजनीतिक दलबीच गतिरोध बढ्नु मुलुकको शान्ति एवम् विकासका लागि हितकर नहुने स्पष्ट पार्नुभयो ।