बालविवाह र बहुविवाह बढ्यो

इनेप्लिज २०७१ माघ १४ गते १४:५१ मा प्रकाशित

manav-adikar-aayog-1ललितपुर, १४ माघ । राष्ट्रिय मानवअधिकार आयोगले विगत तीन महिनाको अवधिमा बालविवाह र बहुविवाह दुवै बढेको बताएको छ  ।

नवनियुक्त पदाधिकारीको १०० दिन पूरा भएको अवसरमा आयोगले आज पत्रकार सम्मेलनको आयोजना गर्दै विगतको तीन महिनामा बालविवाह सातबाट १७ पुगेको र बहुविवाह १४६ बाट ४२१ पुगेको आयोगका प्रवक्ता मोहना अन्सारीले जानकारी गाराउनुभयो ।

आयोगले मानवअधिकारसम्बन्धी अनुसन्धान कार्यलाई निरन्तरता दिएको भन्दै यस अवधिमा १३० उजुरीमाथि निर्णय गरी फछर्यौट भएको र अन्य बाँकी उजुरीको पनि वर्गीकरण भइरहेको जानकारी गराएको छ । त्यसैगरी सय दिनको अवधिमा १६१ मानव बेचविखन र ओसारपसारसम्बन्धी सङ्ख्या बढेर १५८ पुगेको बताएको छ ।

कारागारलाई सुधारगृहको रुपमा परिवर्तन गर्नुपर्ने मान्यताका साथ आयोगले यस अवधिभित्र क्षेत्रीय र जिल्ला गरी २९ कारागारको निरीक्षण गरिसकेको जानकारी गरायो ।

प्रतिक्रिया