आज दिन त्यस्तै रै’छ

आज दिन त्यस्तै रै’छ
आज दिन त्यस्तै रै’छ
बाहिर हिउँ पर्नु रै’छ
घाम पनि देख्न नपाउनु रै’छ
झोक्राएर बस्नु रै’छ

मनमा ताना आउनु रै’छ
बाहिर निस्कन नपाउनु रै’छ
इन्टरनेट पनि नचल्नु रै’छ
उकुस-मुकुस हुनु रै’छ

उनीसंग ठाक-ठुक पर्नु रै’छ
उनी ठुस्केको हेर्नु रै’छ
नबोलेर बस्नु रै’छ
आज दिन त्यस्तै रै’छ

कहिलेकाँही यस्ता दिन व्यहोर्नु पर्ने रै‘छ
जे भए पनि सहनै पर्ने रै’छ
भोलि राम्रो बनाउन लाग्नु पर्ने रै’छ
जिन्दगी यसरीनै अघि बढाउनु रै’छ