आइतबार, कार्तिक ९ २०७७
काठमाडौं ०५:१२
वासिङटन डिसी 19:27

लर्डबुद्धमा आगलागी

इनेप्लिज २०७१ माघ १० गते ९:०२ मा प्रकाशित

aaglaagiविराटनगर, १० माघ । विराटनगर–१३ निलसदनस्थित आशिष अज्र्येलको घरमा सञ्चालित लर्डबुद्ध उच्च एकेडेमीको स्टोर कोठामा आज बिहान आगलागी हुँदा रु तीन लाखबराबरका सामान जलेर नष्ट भएका छन् ।

सो आगलागीमा किताब, पुस्तकालयका सामान, पङ्खा पाँचवटा, कम्प्युटर तीनवटा र फर्निचरलगायतका सामान जल्दा सोबराबरको क्षति भएको एकेडेमीका अध्यक्ष ज्ञानबहादुर खड्काले  बताउनुभयो ।

उक्त आगलागी विराटनगर उपमहानगरपालिकाका दुईवटा दमकल, नगर प्रहरी र स्थानीयको सहयोगमा करिब एक घन्टामा नियन्त्रण गरिएको थियो ।

विद्युत् सर्किटमा गडबढीका कारण आगलागी भएको हुनसक्ने प्रारम्भिक अनुमान गरिएको छ ।

प्रतिक्रिया