मंगलबार, कार्तिक ११ २०७७
काठमाडौं १४:५८
वासिङटन डिसी 05:13

माओवादी कार्यकर्ताबाट ग्यास नियन्त्रणमा

इनेप्लिज २०७१ माघ ६ गते २:३८ मा प्रकाशित

gasकाठमाडौँ, ५ माघ । नेत्रविक्रम चन्द नेतृत्वको नेकपा माओवादीका कार्यकर्ताले आज ललितपुरको ग्वार्कोस्थित हिमाल ग्यास कम्पनीको मुख्य डिपोबाट ग्यास सिलिन्डर नियन्त्रणमा लिएर सर्वसाधारणलाई वितरण गरेका छन् ।

ग्यासका सिलिन्डर लुकाएर कालोबजारी गरिएको भन्दै माओवादी कार्यकर्ताले डिपोमा छापा मारी करिब १०० वटा भरिएका सिलिन्डर निःशुल्क बाँडेका हुन् । करिब १५० जना कार्यकर्ताले केही स्थानीयवासीलाई समेत साथ लिएर ग्यासको डिपोमा छापा मारेको माओवादीले जनाएको छ ।

‘ग्यासमा कृत्रिम अभाव सिर्जना गरी कालोबजारी गरेर जनतालाई सास्ती दिएकाले’ डिपोका ग्यास नियन्त्रणमा लिएर सर्वसाधारणलाई वितरण गरिएको नेता राजु कार्कीले राससलाई जानकारी दिनुभयो । उहाँले पार्टीको नीतिअनुरुप सुरु गरिएको सो अभियान साङ्केतिक भएको र अन्य डिपोमा समेत छापामारी सिलिन्डर वितरण गरिने जिकिर गर्नुभयो । सोक्रममा माओवादी कार्यकर्ताले डिपोमा रहेका चार हजार बढी सिलिन्डर तितरवितर पारेका थिए ।

प्रतिक्रिया