लहान, ३ माघ । सिरहाको मिर्चैया नगरपालिकास्थित एक कपडा पसलमा गएराति विद्युत् चुहिएर आगलागी हुँदा रु २५ लाखबराबरको क्षति भएको छ ।
मिर्चैया नगरपालिका–५ स्थित सञ्जय साहको राहुल ट्रेडर्स एण्ड रेडिमेट सेन्टर कपडा पसलमा आगलागी हुँदा पसलमा रहेको लत्ताकपडा, नगदलगायत जलेर नष्ट भएको जिल्ला प्रहरी कार्यालय सिरहाले जनाएको छ ।
राति करिब २ बजेतिर सुरु भएको आगलागी नेपाल प्रहरी, सशस्त्र प्रहरी र स्थानीयले एक घन्टापश्चात् नियन्त्रणमा लिएको सिरहाका प्रहरी उपरीक्षक रामकृपाल साहले जानकारी दिनुभयो ।
प्रतिक्रिया