राष्ट्रिय प्रजातन्त्र पार्टीकी सांसद रोशन कार्कीले मन्त्रीहरु संसदमा भिडियो गेम खेलेर बस्ने गरेको आरोप लगाएका छन् ।

प्रतिनिधि सभाको बैठकमा बोल्दै उनले यस्तो अरोप लगाएका हुन् । उनले संसद ढाँट्ने थलो रहेको महशुस भएको बताए । संसद आत्मसम्मानलाई धितो राख्ने ठाउँ रहेको भन्दै संसद जत्तिको निरस ठाउँ अरु नरहेको उनले बताए ।

बोल्ने तर बोलेका कुराहरु नसुन्ने ठाउँ संसद रहेको भन्दै सरकारले जनतालाई सांसदहरुमार्फत ढाँट्ने गरेको उनको आरोप छ ।
मन्त्रालयगत बजेटको बाँडफाँट भइसकेपछि राष्ट्रपतिबाट नीति तथा कार्यक्रम ल्याउने नाटक गरिएको बताए ।

‘संसद ढाँट्ने थलो रहेछ । यहाँ आत्मसम्मानलाई धितो राख्ने ठाउँ रहेछ । यो जस्तो निरस ठाउँ त केही पनि छैन । यहाँ बोलिँदो रहेछ, बोलेका कुराहरु सुनिँदो रहेनछ । यहाँ कुर्सीहरु खालि हुँदा रहेछन् । सरकारले जहिले पनि जनतालाई सांसदहरुको मार्फतबाट ढाँट्दो रहेछ । यो बजेट बनिसक्छ । मन्त्रालयगत बजेटको बाँडफाँड भइसक्छ, सम्माननीय राष्ट्रपतिबाट नीति तथा कार्यक्रम आउँछ । नाटक हुन्छ त्यहाँ पनि । हामी संशोधन हाल्छौँ, गम्भीर हुन्छौँ । तर मन्त्रीहरु यहाँ आउनुहुन्छ, भिडियो गेम खेल्नुहुन्छ, खास खुस गर्नुहुन्छ, उठेर हिँड्नुहुन्छ’ थप भिडियोमा हेर्नुहोस