काठमाण्डौ । मिति २०८१ साल माघ १४ गते, APSA नेपाल को आयोजना र नेपाल रेस्क्यु एण्ड फायरफाइटर एसोसिएसन (NRFFA) को सहकार्यमा गोदावरी वडां. ३, किटिनिमा अग्नि सुरक्षा सम्बन्धी जनचेतना कार्यक्रम सम्पन्न भएको छ।
कार्यक्रमका मुख्य प्रशिक्षकका रूपमा (NRFFA)का रन्जित बस्नेत हुनुहुन्थ्यो। उहाँले अग्नि सुरक्षाका विषयमा महत्वपूर्ण जानकारी प्रदान गर्दै, आगलागी रोकथामका उपायहरू र आगलागीको समयमा अपनाउनुपर्ने सुरक्षा प्रक्रियाबारे प्रशिक्षण दिनुभयो। साथै, आगलागीको समयमा प्राथमिक उपचारका महत्त्वपूर्ण सीपहरू र आगो निभाउने उपकरणहरूको प्रयोगसम्बन्धी जानकारी पनि दिनुभयो।

कार्यक्रममा प्रमुख व्यक्ति र सहभागिता
कार्यक्रममा गोदावरी वडां. ३ का.मु अध्यक्ष सन्तोष कुवरले स्वागत मन्तव्य व्यक्त गर्दै, APSA नेपाल लाई यस प्रकारको महत्वपूर्ण कार्यक्रमको आयोजना गरेकोमा धन्यवाद दिनुभयो।
APSA नेपाल ले निरन्तर अग्नि सुरक्षा र जनचेतना सम्बन्धी यस्ता कार्यक्रमहरूको आयोजना गर्दै आएको छ, जसले समुदायमा सुरक्षाको स्तरलाई सुधार्न मद्दत पुर्याउँछ।

कार्यक्रमको समयमा श्री सिद्देश्वर विद्यालयका विद्यार्थीहरू, शिक्षकहरू र स्थानीयवासीहरूको उत्साहजनक सहभागिता रहेको थियो। सबै सहभागीहरूले अग्नि सुरक्षा उपायहरू र प्राथमिक उपचारका बारेमा अभ्यास र प्रशिक्षण प्राप्त गरेका छन्।

कार्यक्रमका प्रमुख बुँदाहरू
1. अग्नि सुरक्षा र रोकथाम
2. आगलागीको सम्भावित कारण र त्यसको नियन्त्रणका उपायहरू।
3. प्राथमिक प्रतिक्रिया र सुरक्षाका उपायहरू।

4. अग्नि नियन्त्रण उपकरणहरूको प्रयोग ।
5. फायर एक्स्टिंग्विशरको प्रयोग र आगो नियन्त्रणका अन्य उपकरणहरूको उपयोग।
6. प्रशिक्षण र अभ्यासका माध्यमबाट सहभागीहरूलाई यस्ता उपकरणहरूको प्रभावकारी प्रयोगमा दक्ष बनाइयो।
7. प्राथमिक उपचार र आपतकालीन प्रतिक्रिया ।

8. आगलागीको समयमा प्राथमिक उपचारका सीपहरूको प्रशिक्षण।
9. आपतकालीन प्रतिक्रिया प्रक्रियाका बारेमा जानकारी।

यस कार्यक्रमले गोदावरी वडां. ३ क्षेत्रको विद्यालय र समुदायमा आगलागी र सुरक्षासम्बन्धी जनचेतना फैलाउन महत्वपूर्ण भूमिका खेल्न सहयोग पुर्याएको छ।APSA नेपाल FIRE SAFETY AWARENESS अभियानले भविष्यमा अझ व्यापक प्रभाव पार्ने अपेक्षा गरिएको छ।