अमेरिकी पूर्व राष्ट्रपति डोनाल्ड ट्रम्प बिरुद्ध लगाईएको अभियोगहरुको अझै फैसला हुन् नसकेको कारण निर्णायक मण्डल(जुरी) मे ३० बिहीबारका दिन बिहान पुनः छलफलको लागि अदालतमा हाजिर हुने भएका छन् ।

पहिलो दिनको छलफल पछि निर्णायक मण्डल (जुरी ) अन्तिम निर्णय बिना घर गएका छन् । न्यायधिशले आजको सत्र बन्द गरेका छन् ।

निर्णायक मण्डल (जूरी)ले साक्षीबाट थप जानकारीको लागि अनुरोध गरेपछि अदालतलाई मध्य दिउँसो सत्रमा फिर्ता बोलाइएको थियो।

केही घण्टाको बहसपछि स्थगित भएको अदालत भोलि बिहान ९ः३० बजे सुचारु हुनेछ । न्यायाधीश जुआन मर्चन र दुबै पक्षका वकिलहरूले ४ :०६ बजे निर्णायकलाई खारेज गरेका थिए ।

बहस चलिरहेको बेला, निर्णायक मण्डलले डेभिड पेकर र माइकल कोहेनको साक्षीसँग सम्बन्धित जानकारी अनुरोध गर्दै अदालतमा दुईवटा टिप्पणीहरू पठाएका थिए । सुनुवाईमा न्यायाधीशहरूले मर्चनको निर्देशन फेरि सुन्न आग्रह गरेका थिए ।

निर्णायक मण्डल(जूरी)हरूलाई निर्देशनहरूको लिखित प्रतिलिपि दिइएको थिएन, यद्यपि उनीहरूलाई आवश्यक परेमा पढ्न अनुरोध गर्न अनुमति दिइएको थियो ।

निर्णायक मण्डलले २०१६ को राष्ट्रपति अभियानको क्रममा वयस्क चलचित्रकी अभिनेत्री स्टोर्मी डेनियललाई चुप लगाउन गोप्य रुपमा भुक्तानीको सम्बन्ध र ट्रम्पले झुटो व्यापार सम्बन्धी पेश गरेको अभिलेखहरूको ३४ वटा गणनाहरूमा छलफल गरि रहेको छ । तर ट्रम्पले आफू दोषी नभएको बताई रहेका छन् ।

अभियोजक जोशुआ स्टिन्ग्लासले अदालतमा लगभग ३५ पृष्ठको प्रमाण छ जुन भोलि न्यायाधीशहरूलाई फेरी पढाइने बताए ।

अदालतले आजको कारवाही स्थगित गरेपछि सञ्चारमाध्यमसँगको संक्षिप्त टिप्पणीमा ट्रम्पले आफू चुनावी प्रचारमा नभई अदालतमा समय बिताउनु अनुचित भएको बताए। उनले राष्ट्रपति जो बाइडेनलाई आरोप लगाउनुको साथै उनले मुद्दाको बारेमा अपमानजनक भएको बताए ।