युक्रेनी मानव रहित यान (ड्रोन)ले रुसको तेल भण्डारमा आक्रमण गरेको छ । युक्रेनमा रुसले आक्रमण गरेको २ वर्ष हुनु अगावै आक्रमण बढाएको छ ।

शुक्रबार पश्चिमी रूसको तेल भण्डारणमा युक्रेनी मानव रहित यानले प्रहार गर्दा ठूलो आगो निम्त्याएको अधिकारीहरूले बताए ।

कीभका सेनाहरूले युद्धको दुई बर्षे वार्षिकोत्सव अघि रूसी भूमिमा उनीहरूको आक्रमणलाई स्पष्ट रूपमा विस्तार गरेका छन् । स्थानीय गभर्नर र राज्य समाचार सँस्था (एजेन्सी )टासका अनुसार युक्रेनी सीमाबाट करिब ४० माईल टाढा रहेको लगभग ७०,००० जनसंख्या भएको शहर क्लिन्ट्सीमा मानव रहित उपकरण (ड्रोन) पुग्दा १.६ मिलियन ग्यालन क्षमताका चारवटा तेल भण्डारमा आगो लागेको थियो ।

मार्च १७ मा रुसी राष्ट्रपतीय चुनाव अघि रुसमा जीवन सामान्य रूपमा चलिरहेको छ भनी राष्ट्रपति भ्लादिमिर पुटिनको दाबीलाई कमजोर पार्न र रुसीहरूलाई विचलित पार्न युक्रेनले हालसालै गरेको तीव्र प्रयासमा यो आक्रमण स्पष्ट रूपमा पछिल्लो हो भनि सिबिएसन्यूजले समाचार लेखेको छ ।

युक्रेनी राष्ट्रपति भोलोदिमिर जेलेन्स्कीले यस वर्ष रुसी सीमा क्षेत्रमा थप निशानाहरू प्रहार गर्ने वाचा गरेका छन्। रुसको हवाई प्रतिरक्षा युक्रेनको कब्जा गरिएका क्षेत्रहरूमा केन्द्रित रहेको कीभ अधिकारीहरूको भनाई छ ।

रुसको भित्री धेरै टाढाका लक्ष्यहरूलाई युक्रेनी सेनाले लामो दूरीका मानव रहित उपकरण (ड्रोन)हरू लक्षित गर्दा बढी जोखिममा छन्। युक्रेनी सीमा नजिकै रहेको रुसी शहर बेलगोरोडले शुक्रबार युक्रेनी मानव रहित यान (ड्रोन )हमलाको धम्कीको कारण आफ्नो परम्परागत अर्थोडक्स एपिफेनी उत्सव रद्द गर्‍यो। मानव रहित यान (ड्रोन)को खतराका कारण रूसमा ठूला सार्वजनिक कार्यक्रमहरू स्थगित गरिएको यो पहिलो पटक थियो।

युक्रेनको राष्ट्रिय सञ्चारमाध्यमले युक्रेनको गुप्तचर सेवाका एक अधिकारीलाई उद्धृत गर्दै मस्कोबाट करिब ३७० किलोमिटर दक्षिणमा रहेको ताम्बोभमा रहेको एक बारुद कारखानामा शुक्रबार युक्रेनी मानवरहित यान (ड्रोन)ले आक्रमण गरेको बताएको छ ।

तर ताम्बोभका गभर्नर म्याक्सिम येगोरोभले रुसको स्थानीय पत्रिकालाई कारखानाले सामान्य रूपमा काम गरिरहेको बताए। समाचार अनुसार युक्रेनी मानव रहित यान (ड्रोन )बिहीबार कारखाना परिसरमा खसे तर कुनै क्षति भएन।

रुसी रक्षा मन्त्रालयले गत बिहीबार सेन्ट पिटर्सबर्गको बाहिरी भागमा युक्रेनी मानव रहित यान (ड्रोन) खसालेको बताएको छ।

सेन्ट पिटर्सबर्ग रूसको दोस्रो ठूलो शहर हो भने युक्रेनको सीमानाबाट करिब ५६० माइल उत्तरमा छ।