विराटनगर, २८ जेठ(रासस): पूर्वराष्ट्रपति डा रामवरण यादवले तराईको हुलाकी मार्ग समयमै निर्माण नभएकाले चुरे पहाडको दोहन भइरहेको बताउनुभएको छ ।
पिताजी कृष्णप्रसाद कोइराला स्मृति परिषद् विराटनगरद्वारा आयोजित सम्मान समर्पण समारोहमा सम्मान ग्रहण गर्दै उहाँले अत्रको भण्डार मानिएको नेपालको तराई चुरे दोहनले समस्यामा परेको स्पष्ट पार्नुभयो ।

उहाँले चुरेको संरक्षणले महाभारत र तराई पनि संरक्षित हुने कुरामा जोड दिँदै पिताजी कृष्णप्रसाद कोइराला स्मृति परिषद्बाट सम्मानित हुन पाएकोमा गर्व भइरहेको बताउनुभयो ।

पूर्वराष्ट्रपति डा यादवले पिताजी कृष्णप्रसाद कोइराला समाजका परिवर्तक हुन् उहाँको योगदानलाई नयाँ पिढीले अध्ययन गर्नु आवश्यक रहेको चर्चा गर्दै देशको एकता र अखण्डतालाई कायम राख्न लोकतन्त्रको धरै ठूलो भूमिका छ भत्रुभयो ।

लोकतान्त्रिक पद्धतिबाट नै समाजलाई परिवर्तन गर्न सकिने विचार बोकेका पिताजी कृष्णप्रसाद कोइराला त्यागी, समाजसेवी, शिक्षा प्रेमी र परिवर्तनका अग्रणी रहेको चर्चा गर्दै पूर्वराष्ट्रपति डा यादवले आफू अहिले स्वतन्त्र रहेपनि विद्यार्थी जीवन देखि लागेको पार्टीबाट नेपालको प्रथम राष्ट्रपति बनेकामा गर्व लागेको धारणा राख्नुभयो ।
नेपाली कांग्रेसका केन्द्रीय सदस्य डा शेखर कोइरालाले पूर्वराष्ट्रपति डा यावदलाई सम्मान पत्र हस्तान्तरण गर्दै क्षणि लाभका लागि राजनीतिक गर्ने मानिसबाट समाजले लाभ लिन नसकिने बताउनुभयो ।

उहाँले पिताजी कृष्णप्रसाद कोइरालाको पदमार्गमा हिड्न सके समाज अझ बलियो र बिकसित हुने धारणा राख्दै चुरे पर्वत दोहनको विषयमा सरकार बेखर रहेको कुरामा जोड दिनुभयो
।
विराटनगर महानगरपालिकाका प्रमुख नागेश कोइरालाले स्वर्गीय पिताजी कृष्णप्रसाद कोइरालाले नै विराटनगर सहर बसाएको प्रसङ्ग उल्लेख गर्दै समाजलाई परिवर्तन गर्न, विकास गर्न र मुलुकमा प्रजातन्त्र ल्याउन पिताजी कोइरालाको योगदानको अपूर्णीय छ भत्रुभयो ।

कार्यक्रममा कार्यक्रममा परिषद्का अध्यक्ष कविराज न्यौपाने, प्राडा घनश्याम लाल दास, परिषद् सदस्य विश्वनाथ रिजाल, प्राडा कुलप्रसाद कोइरालाले पनि बोल्नुभएको थियो ।

यसअघि विराटनगर महानगरपालिकाको बगरगाछी चोकमा स्थापित पिताजी कृष्णप्रसाद कोइरालाको प्रतिमालाई पूर्वराष्ट्रपतिले अनावरण गर्नुभएको थियो।