युक्रेनबाट १६ लाखभन्दा बढी मानिस रुस प्रवेश गरेको रुसी सरकारी सञ्चारमाध्यमले जनाएको छ ।

क्रेमलिनको आक्रमण सुरु भएदेखि नै युक्रेन र डोनबास क्षेत्रका टुक्रिएका गणतन्त्रहरूबाट १६ लाखभन्दा बढी मानिस रुस प्रवेश गरिसकेका छन्, रुसी राज्य समाचार एजेन्सी (टास )ले बिहीबार विवरण दिएको छ।

“बुधवार बिहानसम्म, लगभग २६३,००० बालबालिका सहित १.६ मिलियन भन्दा बढी मानिसहरूले सीमा पार गरेका छन्,” स्रोतले भन्यो।

सिएनएनले स्वतन्त्र रूपमा सीमा पार गर्ने संख्याको पुष्टि गर्न सक्दैन भनि समाचारमा उल्लेख गरेको छ । तर संख्याहरू आधिकारिक युक्रेनी अनुमानहरू जस्तै छन भनि टिप्पणी गरेको छ ।

यसअघि बिहीबार युक्रेनी राष्ट्रपति भोलोडिमिर जेलेन्स्कीले रुसले “[युक्रेनी] मानिसहरूलाई रुसका दुर्गम क्षेत्रहरूमा निर्वासन गर्ने निरन्तर आपराधिक नीति” पछ्याएको आरोप लगाएका थिए । हालसम्म २००,००० भन्दा बढी बालबालिकालाई रूसमा लगिएको बताएका थिए ।

यसको उद्देश्य “मानिसहरू चोर्नु” र “निर्वासितहरूलाई युक्रेनको बारेमा बिर्सन लगाउनु र फर्कन अयोग्य हुनु हो ” जेलेन्स्कीले भने।

टिएएसएस (टास )का अनुसार, ११००० हजार बालबालिका सहित ३३००० हाजर मानिसहरूलाई हाल रुसका ५५९ अस्थायी आवास केन्द्रहरूमा राखिएको छ।