तालिबान लडाकूहरुले शुक्रबार अफगानिस्तानको राजधानीको उत्तरमा रहेको इस्लामिक स्टेट समूहको एक अड्डामा छापा मारेका छन् । र, एक निर्दिष्ट संख्यामा लडाकुहरुलाई पक्राउ गरेको तालिबानका प्रवक्ताले बताए  ।

अगस्टको मध्यमा तालिवानले अफगानिस्तानको कब्जा गरेपछि त्यहाँ आईएस लडाकूहरुद्वारा तालिबान सदस्यहरुलाई लक्षित गरी आक्रमण बढेको छ। तालिबान र आईएस दुश्मन हुन्, र आक्रमणहरुले लामो समय देखि प्रतिद्वन्द्वीहरु बीच एक व्यापक संघर्ष वृद्धि गराएको छ ।

अगस्तको अन्त्यमा, एक आईएस आत्मघाती बमवर्षकले काबुल अन्तर्राष्ट्रिय विमानस्थल बाहिर अमेरिकी निकासी प्रयासलाई लक्षित गरी धेरै बर्ष पछि सबैभन्दा घातक हमला गरेका थिए । उक्त विष्फोटमा १६९ जना अफगानी र १३ अमेरिकी सेवा सदस्य मारिएका थिए ।

तालिबानका प्रवक्ता बिलाल करीमीले एसोसिएटेड प्रेसलाई जानकारी दिदै भने शुक्रवारको आक्रमण पार्वन प्रान्तको चारिकर शहरमा भएको थियो। उनले थप विवरण दिएनन् भनि एबिसीन्युजले समाचार प्रकाशित गरेको छ ।

कारिमीले काबुल शहरमा आफ्नो सवारी साधनलाई लक्षित गरी सडक किनारमा बम विष्फोट गराउने दुई आईएस सदस्यको तालिबानद्वारा गिरफ्तारी पछि उनीहरुसंग सोधपुछ गरीएको थियो ।

र ,उनीहरुले दिएको जानकारीले तालिबानलाई उनीहरु लुकेको ठाउँ पहिचान गर्न मद्दत पुर्‍यायो, उनले थपे।

आईएस ठूलो मात्रामा पूर्वी नान्गाहार प्रान्तमा रहेका छन् । तर तालिबानको कब्जा पछि यो समूहले अफगानिस्तानमा हमला बढाएको छ। प्रान्तीय राजधानी जलालाबादमा आइएसको आक्रमणमा धेरै तालिबान लडाकू मारिएका छन्। यसको जवाफमा तालिवानले नान्गाहार कारबाही गरेका छन्।