काठमाडौं । नेपाली सांगीतिक क्षेत्रमा मौका हेरेर उत्कृष्ट प्रस्तुति दिँदै आएका सर्जक तथा गायक हिरा रनपालले नयाँ गीत सार्वजनिक गरेका छन् । विष्णु भण्डारीको शब्द तथा आफनै लय र स्वर रहेको ‘गुदरी काम्लो’बोलको गीतको भिडियो लिएर उनी फेरि पनि श्रोता तथा दर्शकहरुको माझमा आएका हुन् ।

गीतको अडियोमा उनीसहित दीपिका बयम्बु मगरको स्वर रहेको छ भने पवन परियारको एरेन्ज रहेको गीतको मिक्सिङ र मास्टरिङ खडग बाजुरालीले गरेका छन् ।

‘हिरा रनपाल’ नामक युट्युब च्यानल मार्फत सार्वजनिक भएको भिडियोमा गायक तथा सर्जक हिराको साथमा जुनु एसडीको दमदार अभिनय र नृत्य प्रस्तुत गरिएको छ । त्यस्तै, मनकुमारी रनपाल निर्माताका रुपमा रहेकी छन् भने धनबहादुर तामाङ (सागर)ले निर्देशन गरेको भिडियोमा रेशम दर्लामी मगरको छायाँकन, राजेश कुमारको सम्पादन तथा विवेक सुर्यवंशी रनपाल र विविका सुर्यवंशी रनपालले निर्माण नियन्त्रकको भूमिका निर्वाह गरेका छन् ।

भिडियो हेर्न लिंकमा क्लिक गर्नुहोस्