वासिङ्टन डिसी । अमेरिका । अमेरिका र इरानबीचको तनाव फेरि एकपटक समुन्द्रमा देखिएको छ। एक अमेरिकी अधिकारीका अनुसार, अमेरिकी सेनाले इरान नजिकै रहेको ‘हर्मुज जलमार्ग’ मा व्यापक खोजी गरिरहेको छ। 

इरानले त्यहाँ पानीमुनि लुकाएर राख्ने बमहरू (माइन्स) राखेको आशंकामा यो खोजी सुरु गरिएको हो। तर, अहिलेसम्मको खोजीमा सेनाले त्यस्ता कुनै पनि बम फेला पार्न सकेको छैन।

यद्यपि, अर्का एक अमेरिकी अधिकारीले भने अमेरिकी गुप्तचर निकायको प्रतिवेदन( रिपोर्ट)लाई उद्धृत गर्दै इरानले त्यस जलमार्गमा बमहरू राखेको दाबी गरेका छन्। उनका अनुसार, इरानले त्यस समुद्री बाटोमा कम्तीमा एक दर्जन (१२ वटा) भन्दा बढी बमहरू राखेको विश्वास गरिएको थियो।

यसैबीच, अमेरिकी राष्ट्रपति डोनाल्ड ट्रम्पले पनि सामाजिक सञ्जालमा एउटा पोस्ट गर्दै यस विषयमा चर्चा गरेका छन् ।

 उनले यसअघि पनि इरानले राखेका यस्ता समुद्री बमहरूलाई अमेरिकी सेनाले नष्ट गरिसकेको वा हटाइसकेको कुरा उल्लेख गरेका छन् ।

दुई देशबीचको यो असमझदारी र समुन्द्रमा भइरहेको यो खोजीले विश्वकै ध्यान तानेको छ।