अमेरिकाले फिलिपिन्स, इराक, लिबिया, ब्रुनाई लगायतलाई ‘अल्टिमेटम’ पठायो

अमेरिकी राष्ट्रपति डोनाल्ड ट्रम्पले बुधबार छवटा नयाँ देशलाई चेतावनी पत्र पठाएका छन्  ।

उनले अगस्त १ देखि ३०% सम्मको नयाँ महसुल लगाउने घोषणा गरेका छन्।

यी देशहरूमा फिलिपिन्स, मोल्दोभा, ब्रुनाइ, अल्जेरिया, लिबिया र इराक परेका छन्। यदि वार्ताबाट सहमति नभए, यी नयाँ महसुल दरहरू तत्काल लागू हुनेछन्।

ट्रम्पले भने अनुसार मोल्दोभा, इराक र लिबियाबाट आउने सामानहरूमा पुरानो अप्रिलको घोषणाभन्दा कम महसुल लाग्नेछ ।

फिलिपिन्स र ब्रुनेइबाट आउने सामानमा भने अप्रिलको तुलनामा अझ बढी महसुल तय गरिएको छ।

अमेरिकी वाणिज्य विभागका अनुसार, यी ६ देशबाट अमेरिका एक वर्षमा २.४ बिलियन डलर बराबरको सामान आयात गर्छ, जुन कुल ३.२ ट्रिलियन डलरको अमेरिकी आयातको १% भन्दा कम हो।

ट्रम्पले अप्रिलदेखि लागू गरेका “प्रतिस्पर्धात्मक महसुल” नीतिपछि अमेरिकाले धेरै मुलुकहरूसँग नयाँ व्यापार सम्झौता गर्ने कोशिश गरिरहेको छ, तर अहिलेसम्म केवल दुई सम्झौता मात्र सम्पन्न भएका छन्। बाँकी देशहरूसँग वार्ता अझै जारी छ।