यस हप्ता अमेरिकाको टेक्सस राज्यको फ्लाटोनियामा मानव तस्करी गर्ने प्रयासमा संलग्न भएका शङ्कास्पद तस्करहरू पक्राउ परेका छन्। 

उनीहरूले घाँसको बिटामा आप्रवासीहरूलाई लुकाएर तस्करी गर्न खोजेको अधिकारीहरूले बताएका छन्।

फेयेट काउन्टी शेरिफको कार्यालयका अनुसार मंगलबार एक नियमित जाँचका क्रममा घाँसका बिटामा खाल्डा बनाइएको पाइएको थियो।

नजिकबाट जाँच गर्दा, प्रहरीले बिटामा मानिसहरू “खतरनाक रूपमा साँघुरो स्थानमा” लुकाइएका देखे ।

“यो लुकाउने तरिका छलपूर्ण मात्र होइन, मानवीय जीवनका लागि अत्यन्तै घातक छ,” शेरिफको कार्यालयले विज्ञप्तिमा जनाएको छ। तस्करहरू टेक्ससका राजमार्ग हुँदै मानिसहरूलाई तस्करी गर्न झनै सृजनात्मक र जोखिमपूर्ण तरिकाहरू अपनाउँदै छन्।”

यस घटनाले मानव तस्करीको बढ्दो खतरा र त्यसमा प्रयोग भइरहेका चरम उपायहरूको गम्भीरता उजागर गरेको छ। 

पक्राउ परेकाहरूविरुद्ध थप अनुसन्धान जारी रहेको छ ।