सिरियाली विद्रोहीहरू डमास्कस घेरा हाल्ने अवस्थामा पुगेको वासिॅगटन पोष्टले जनाएको छ ।

सिरियाली विद्रोही समूहहरूले शनिबार देशको दक्षिण भाग हासिल गरेको दाबी गरेका छन्।

 तिनीहरू राजधानी डमास्कस र सिरियाको तेस्रो ठूलो शहर होम्समा पुगेका छन्। राष्ट्रपति बसर अल-असदको शासनलाई हटाउने वाचा गर्दै अगाडी बढि रहेका छन्।

हयात तहरीर अल-शाम सशस्त्र इस्लामवादी गुट जसले गत हप्तामा उत्तरमा आश्चर्यजनक लाभहरू हासिल गरेको थियो ।

उनिहरुको सेनाले दक्षिणमा अन्य विद्रोही समूहहरूले व्यापक प्रगति गरेपछि डमास्कसलाई घेरा हाल्न थालेको बताएको छ।

यसको सेनाले उत्तर र राजधानीको विद्रोही नियन्त्रित क्षेत्रहरू बीचको रणनीतिक नाका भित्र शनिबार पनि कारवाही सॅचालन गरेको छ ।

एचटीएसका नेता अबु मोहम्मद अल-जोलानीले शनिबार विद्रोही सेनाहरू होम्स र डमास्कसको दैलोमा रहेको र  आपराधिक शासनको पतन नजिकै रहेको बताए ।

सिरियाली  सेनाले डमास्कसको ग्रामीण इलाकाबाट सेना फिर्ता भएको कुरा अस्वीकार गरेको छ ।

तर विद्रोही लडाकुहरूले सेनाको चौकी र सैन्य इलाकाम् हमला गरेपछि दक्षिणपश्चिमी शहर दारा र स्विडामा आफ्ना सेनाहरू नयाँ स्थानहरूमा “पुन: परिचालन” भएको बताए।

गुटले शनिबार पनि दक्षिणपश्चिम सिरियाको इजरायलले कब्जा गरेको गोलान हाइट्स नजिकै रहेको कुनेइत्रालाई नियन्त्रणमा लिएको बताएको छ। 

इजरायल रक्षा बलले गोलान हाइट्स क्षेत्रमा बलियो बल तैनाथ गरेको बताएको छ।

सिरियामा रहेको अमेरिकी दूतावासले शनिबार अमेरिकी नागरिकहरूलाई अहिले डमास्कसमा व्यावसायिक विकल्पहरू उपलब्ध रहँदा छोड्न आग्रह गरेको छ ।

विदेश सचिव एन्टोनी ब्लिन्केनले शुक्रबार टर्कीका विदेशमन्त्रीसँग सिरियाको घटनाक्रमको बारेमा कुरा गरे र अल्पसंख्यक समूहका सदस्यहरू लगायत नागरिकहरूको सुरक्षाको महत्त्वमा जोड दिए।  

संयुक्त राष्ट्र मानवीय एजेन्सी ओसिएचएले सिरियामा शत्रुता बढ्दै जाँदा मानवीय कामदारहरू सहित नागरिकहरूले उनीहरूको सुरक्षामा गम्भीर खतराहरू सामना गरिरहेको चेतावनी दिएको छ।

शत्रुता बढेपछि कम्तिमा ३७०,००० मानिस विस्थापित भएको वासिॅगटन पोष्टले जनाएको छ।