अमेरिकाका विभिन्न राज्यमा बच्चाहरूको मानसिक स्वास्थ्यलाई हानि पुर्‍याउने भन्दै दर्जनौ राज्यहरुले टिकटकमाथि मुद्दा दायर गरेका छन् । बच्चाहरूको मानसिक स्वास्थ्यलाई हानि पुर्‍याउने टिकटक एक लत लगाउने मन्च भएको दाबी गरेका छन् ।

एक दर्जनभन्दा बढी राज्यहरुमा डिस्ट्रिक्ट अफ कोलम्बिया(डिसी)सहितले टिकटक विरुद्ध मुद्दा दायर गरेका छन् ।

मंगलबार टिकटक विरुद्ध मुद्दा दायर गरिएको छ । लोकप्रिय छोटो श्रब्यदृश्य (भिडियो ) बनाउन सकिने अनुप्रयोग (एप)बच्चाहरूलाई लत लगाउन र उनीहरूको मानसिक स्वास्थ्यलाई हानि पुर्‍याउने गरी डिजाइन(रुपरेखा) गरिएको दावी गरिएको छ ।

मार्च २०२२ मा न्यूयोर्क, क्यालिफोर्निया, केन्टकी र न्यू जर्सी लगायत धेरै राज्यहरूका महान्यायाधिवक्ताहरूको द्विदलीय गठबन्धनको पहलमा राष्ट्रिय रुपमा अनुसन्धान सुरू गरिएको थियो। सबै उजुरीहरू राज्य अदालतहरूमा दायर भएका थिए।

क्यालिफोर्नियाका महान्यायाधिवक्ता रोब बोन्टाले सान फ्रान्सिस्कोमा पत्रकार सम्मेलनमा भने, “उनीहरूले हाम्रा बालबालिकाको स्वास्थ्य र सुरक्षा, कल्याण र भविष्यमा लाभ रोजेका छन्।” र ,यो हामीले स्वीकार गर्न सक्ने कुरा होइन। त्यसैले हामीले मुद्दा हालेका छौँ ।”

दर्जनौं राज्यहरूले सामाजिक संजाल इन्स्टाग्राम मेटा प्लेटफर्म इंक. विरुद्ध राज्य र संघीय अदालतहरूमा युवाहरूलाई हानि पुर्‍याएको र युवाहरूलाई मानसिक स्वास्थ्य संकटमा योगदान पुर्‍याएको र जानाजानी लत सुविधाहरू डिजाइन (परिकल्पना )गरेर उनीहरूको मन्च (प्लेटफर्म)मा अड्काइराख्ने गरी अभियोग लगाएको लगभग एक वर्ष पछि यी मुद्दाहरू आएको हो।

मानिसहरूलाई यस्ता सामाजिक संजालको मंच (प्लेटफर्म)मा राख्नु भनेको “उनीहरूले कसरी ठूलो विज्ञापन राजस्व उत्पन्न गर्छन्,” कोलम्बिया जिल्लाका महान्यायाधिवक्ता ब्रायन श्वल्बले एक अन्तर्वार्तामा भने। “तर दुर्भाग्यवश, यसले प्रयोगकर्ताहरूमा प्रतिकूल मानसिक स्वास्थ्य प्रभावहरू कसरी उत्पन्न गर्दछ।”

टिकटक यद्यपि अझ ठूलो बाधाको सामना गरिरहेको छ । किनकि अमेरिकामा यसको अस्तित्व नै प्रश्नमा रहेको एबिसीन्यूजले उल्लेख गरेको छ ।

यस वर्षको सुरुमा लागू भएको संघीय कानून अन्तर्गत चीनमा आधारित मूल कम्पनी, बाइटडान्सले त्यो प्लेटफर्म(मन्च) बेचेन भने टिकटकलाई जनवरीको मध्यसम्ममा अमेरिकाबाट प्रतिबन्ध लगाउन सकिन्छ। टिकटक र बाइटडान्स दुबैले वाशिंगटनको पुनरावेदन अदालतमा कानूनलाई चुनौती दिइरहेका छन्।