अमेरिकाको न्यूजर्सी नदीमा डुब्दै गरेका २ बालकहरुको उद्धार गर्दा एक व्यक्तिको मृत्यु भएको छ । एबिसीन्यूजका अनुसार दक्षिणी न्यु जर्सी नदीमा डुब्दा संघर्ष गरिरहेका दुई किशोरहरुको उद्धार गर्ने एक व्यक्तिको पानीमुनि बेपत्ता भएपछि मृत्यु भएको छ।

मेज ल्यान्डिङका ४९ वर्षीय पाब्लो हर्नान्डेज क्रुज गत बुधबार ह्यामिल्टन उप नगरको वेमाउथ फर्नेस पार्क(उद्यान)मा थिए जब उनले ८ र १२ वर्षका दुई बालकहरूलाई ग्रेट एग हार्बर नामक नदीमा संकटमा परेको देखे ।

एट्लान्टिक काउन्टीका अधिकारीहरूका अनुसार नदी खतरनाक अवस्थाका कारण त्यहाँ पौडी खेल्न अनुमति नभएकोले उनले बचाउन जाँदा उनको ज्यान गएको हो ।

क्रुजले तुरुन्तै दुवै बालकहरूलाई सुरक्षित स्थानमा ल्याउन मद्दत गरे । तर उनी त्यसपछि पानीमुनि तानिए र बेपत्ता भए। केही समयपछि उनलाई फेला पारिएको थियो र अस्पताल लगिएको थियो जहाँ उनलाई मृत घोषित गरिएको थियो।

१२ वर्षीय बालकको उपचार गरिएको र पछि रिहा गरिएको थियो, तर ८ वर्षीय बालकलाई फिलाडेल्फियाको बाल अस्पतालमा लगिएको छ । बालकहरुको नाम खुलासा गरिएको छैन ।