ओखलढुंगाको खिजीदेम्बा गाउँपालिका वडा ९ पात्लेको दोराखर्कको लाङमार्वा भीरमा अनौठो गुफा भेटिएको छ । उक्त भीरमा ६० मिटर लामो गुफा भेटिएको वडाध्यक्ष ङ्वाङफुरी शेर्पाले जानकारी दिनुभयो । ‘हामीले धेरै पहिला भीरबाट धुँवा निस्केको देख्थ्यौँ,’ वडाध्यक्ष शेर्पाले भन्नुभयो, ‘माने सफा गर्ने टीमको अनुभव भएकाले भीर उक्लिएर जाउँ न त भनेर हेर्दा गुफा फेला परेको शेर्पाले बताउनु भयो।

गुफाको साँघुरो मुखबाट भित्र छिरेपछि २० फिटजति तल झरेर तेर्सो जान सकिने शेर्पाको भनाई छ । गुफाभित्र भने पर्याप्त ठाउँ रहेको छ भने गुफाभित्र अनौठा-अनौठा आकृतिहरु रहेका छन ।

गुफा भेटिएसँगै गुफासम्म जाने गोरेटो बाटो निर्माणको काम गाउले हरुले मिलेर गरियको छ । आज गुफा अवलोकनका लागि लामा गुरुबाट पुजागरि केही सर्वसाधारणले अबलोकन गरेका छन थप सुरक्षाको मापदण्ड पूरा भएपछि मात्रै सर्वसाधारणलाई गुफा प्रवेश गर्न दिने तयारी वडा कार्यालयको रहेको छ । यस गुफा भेटिदेखि स्थानीयहरू गुफा हेर्न आउनेहरूको घुइँचो लागेको छ भने गुफा भित्र विभिन्न देवीदेवताको स्वरूप जस्तो देखिने मूर्तिहरू रहेछन् यस गुफालाई संरक्षण गरी सर्वसाधारण देखि पर्यटकसम्मलाई सहज हिसाबले अवलोकन गर्ने वातावरण मिलाउन सकेमा धार्मिक पर्यटकहरूको बाक्लो उपस्थिति रहने देखिन्छ।