आफ्नै गाउँमा
आफ्नै आँखा अगाडी
एक हुल चोरहरू
गर्दै पालै पालो
लुटिरहेका थिए गाउँलेहरू
छिरे अर्का हुल
लागेको थियो आशा
बँचाउंछन कि गाउँ र गाउँलेहरू भनेर
यिनीहरू पक्कै सज्जनहरू होलान् भनेर
यिनीहरूको प्रवेशले

अब चोरहरूको हुल
भागाभाग हुने छ
पत्ता साफ हुने छ भनेर
खुसी हुँदै थिए म पनि
मेरा गाउँलेहरू जस्तै !
तर नसोचेको भयो
सज्जन सम्झेको हुल पनि
चोरहरूको हुलमा मिसिन गयो
अहिले मिलेर चोरी गर्न थालेका छन्
पहिले पहिले जसरी !
भन्छन् विश्व खुसी दिवस रे आज
हाँस्नु पर्छ बेसरी
तर,
सबै कुरा लुटिएको म र मेरा गाउँलेहरू
खोइ हाँस्नु कसरी ??
+नाच्नु कसरी ??
चोरहरूको साम्राज्यमा !

• रामप्रसाद खनाल, मार्च २०, २०२४ (अन्तर्राष्ट्रिय खुसी दिवसको दिन)