इनेप्लिज
२०८० माघ ९ गते २२:१७ मा प्रकाशित
अभिनेत्री मनिषा कोइराला र पूर्व युवराज्ञी हिमानी शाहबिच भेटघाट भएको छ । कोइरालाले सामाजिक सञ्जालमार्फत पूर्व युवराज्ञी शाहसँग भेटघाट भएको र अर्थपूर्ण कुराकानी भएको बताएकी छन् ।
शाहको सुन्दर र सरल व्यवहारले धेरैको मन जितेको बताउँदै कोइरालाले भनेकी छन् : ‘हिजो प्रिन्सेस हिमानी शाहसँगको भेटमा अर्थपूर्ण संवाद भयो, उनको सुन्दर र सरल व्यवहारले धेरैको मन जितेको छ ।’
भीएफवाई टिभी सो कार्यक्रमका लागि आइतवार राजधानीको होटल सोल्टीमा भएको भेटवार्तामा मनिषाले हिमानीको राष्ट्रप्रति गहिरो प्रेम रहेको भन्दै प्रसंशा समेत गरेकी छन् ।
उनले भनेकी छन्– ‘राष्ट्रप्रति उनको गहिरो प्रेम हिमानी ट्रष्टमार्फत गरिएका कामबाटै देखिन्छ ।’ कोइरालाले दुइजनाबिच रमाइलो कुराकानी भएको समेत बताएकी छन् ।
प्रतिक्रिया