अमेरिकाको मिनेसोटा राज्यमा ५ जना प्रहरी अधिकारीलाई गोली हान्ने व्यक्तिलाई ६ वटा गणनाको अभियोग लगाईएको छ ।

पूर्वी मध्य मिनेसोटामा गत बिहीबार बिहान पाँच प्रहरी अधिकारीहरूलाई गोली हानेको आरोप लागेका व्यक्तिले आफ्नी श्रीमतीलाई “आफ्नो मर्ने दिन” भनेका थिए । ।

बेन्टन काउन्टीमा दायर गरिएको आरोप अनुसार ६४ वर्षीय कार्ल होल्मबर्गले प्रथम श्रेणीको हत्याको प्रयास र प्रथम श्रेणीको आक्रमणको छ वटा गन्तीहरूको सामना गर्नु परेको सिबिएसन्यूजले जनाएको छ ।

होल्मबर्ग पहिले नै १९८६ मा कोकिन र अर्को २००६ मा लागुऔषध राखेकोमा दोषी ठहर गरिएको थियो। हालसालै २०१९ मा उनलाई गाडीमा पेटी नलगाएकोमा समेत दोषी ठहराइएको थियो।

प्रहरीहरु घरमा प्रवेश गर्दा उनले गोली चलाउदा छ जना अधिकारी मध्ये मध्ये पाँचलाई गोली लागेको थियो । गोलीबारीको क्रममा एक अधिकारीको दाहिने हातमा “ठूलो” चोट लागेको थियो। एकजनाको छाती र कम्मरमा गोली लागेको थियो भने अर्कोको हातमा गोली लागेको थियो । अन्य दुई जनालाई पनि गोली लागेर अस्पताल लगिएको आरोप लागेको छ । उनीहरुको स्वास्थ्य खतरामुक्त रहेको प्रहरीले जनाएको छ ।

धेरै घण्टाको वार्तापछि होल्म्बर्गले बिहान १०:४५ बजे आत्मसमर्पण गरे। घाइते भएका कारण उनलाई हिरासतमा लिएर घटनास्थलबाट ल्याइको थियो ।

आरोप अनुसार घरमा हाते बन्दुक ,छोटो बन्दुक ,राइफल सहित धेरै बन्दुकहरू फेला परेका थिए।

होल्मबर्ग शुक्रबार पाङ्ग्रेकुर्सी (ह्वीलचेयर)मा अदालतमा उपस्थित भएका थिए ।